LEGAZPI CITY-Ipigbuyagyag kan National Task Force to End Local Communist Armed Conflict (NTF-ELCAC) na duwang Amerikano an kaiba sa 19 nagadan sa engkwentro sa Barangay Toboso, Negros Occidental.
Binisto ini na sinda Lyle Prijoles asin Kai Dana-Rene Sorem.
Segun pa sa task force, si Prijoles konektado sa Anakbayan USA poon pa kan 2012 asin nagdigdi sa nacion ngonian na taon kaiba si Sorem.
Huli digdi, nahahadit an task force sa pagkaimbwelto kan mga foreign nationals sa mga lokal na armadong grupo.
Nagpaabot man nin pakikidumamay an National Task Force to End Local Communist Armed Conflict sa mga pamilya kan mga nagadan na American nationals.
Magigirumduman na sarong estudyanteng aktibista, peryodista asin mga researcher an kabale man sa mga nagadan sa bakbakan kan New People’s Army (NPA) asin kan mga soldados kan nacion.
