Tinaas kan Bangko Sentral ng Pilipinas (BSP) ang interest rates kaini nin 0.25%, rason nganing laoman an mas halangkaw na interes sa mga pautang sa presente.
Sabi kan Bangko Sentral ng Pilipinas, nagtaas ini nin interest rates nganing maapula ang inflation na piglalaoman na magsakat sa 6.3% ngunyan na taon, mas halangkaw kaysa sa target kaining 2-4% mantang mabantol man pag-uswag kan ekonomiya sa 4.3%.
Patanid ni BSP Governor Eli Remolona Jr., pwedesir pang maghalangkaw nin interest rates ang BSP ngunyan na taon kun mahaloy pa an giyera sa Middle East asin kumawala ang inflation.
Mandato kan BSP na siertohon na an inflation, o an rikas kan paghalangkaw nin presyo kan mga barakalon, an bastante sana sa pangangaipuhan sa pag-ikot kan ekonomiya.
Pag naglabi sa langkaw an inflation, dae na ini nakakatabang sa pag-uswag kan ekonomiya asin nagigin pagabat na.
Susog sa BSP, hibaba pa man liwat an interest rates kaini na pig-aapod kaining “accommodative” na nakakatabang man liwat sa pangangaipuhan kan mga negosyo asin kan ekonomiya. Piglalaoman kan BSP na paluway-luway na mababa an presyo kan mga produktong petrolyo sa world market sa futuro.
