Kumasa an nagpabistong dati suboot na ”bag-man” ni Vice President Sara Duterte na si Ramil Madriaga, sa nagin agyat na suntukan ni Davao City Mayor Sebastian ”Baste” Duterte.
Sa sarong liham na ipinadara kan saiyang abogado na si Atty. Raymund Palad, ipinahayag ni Madriaga an saiyang simbag sa agyat ni Baste.
Segun saiya ikinararangal niya ang nagin agyat hale sa aki kan dating presidente.
Sinabi pa ni Madriaga ang saiyang presenteng kamugtakan ngunyan kun sain siya nakakulong, may limitadong hiro, asin nasa edad na 58 anyos. Huli digdi, ipigsuhestiyon na sana na agyaton kan alkalde ang taong kaedad asin kasing dakula kaini.
Siring man, sinabi ni Madriaga na handa pa man siyang makipagsuntukan, alagad sa irarom kan pirang kondisyon, kabale an pagresolbar muna kang mga kasong pigkakahampang niya.
Bilang alternatibo, ipigsuhestiyon niya pa na isagibo an laban sa saiyang pigtitiniran sa Annex 2 kan Camp Bagong Diwa, kun sain preparado siyang hampangon an alkalde.
Magigiromomdomang nagpuon an ribayan kan pahayag makalihis agyaton ni Mayor Baste si Madriaga nin “no holds na suntukan, kasunod kan pagkakabanggit sa saiyang pangaran sa supplemental affidavit na ihahampang sa hearing kan House Justice Committee katakod kan impeachment proceedings laban kay VP Sara.
