Inapod ni U.S. President Donald Trump bilang sarong “significant step” an propwestong 45-aldaw na tigil-putukan sa Iran, alagad tinawaan doon man niya na ini an “not good enough.”
Sa taunang White House Easter Egg Roll, sinabi ni Trump na ang draft na isinumiter kan pirang nacion nganing tapuson an giyera an sarong importanteng lakdang sa proseso kan negosasyon.
Ipigdugang niya na presenteng pig-oolayan man liwat an mga termino asin bako pa maliaw an magigin resulta kaini.
Sinabi man ni Trump na an presenteng lider kan Iran an “much more reasonable” kumpara sa mga nakalihis na mga grupo na saindang nakahampang. Segun saiya, mas matalino asin bako masyadong tuso an mga lideres kaini.
Napag-araman na an ceasefire proposal an ipinadara sa Estados Unidos asin Iran, asin pighihiling bilang huring pagkakataon nganing malikayan an mahewasang pag-atake sa mga planta nin kuryente asin iba pang imprastraktura kan Iran, na patanid ni Trump kun magtitinir na sarado an Strait of Hormuz.
Enot digdi, sinabi ni Iranian Foreign Ministry Esmaeil Baghaei, na igwa sindang simbag mapadapit sa paramientras na tigil putukan na dae suboot naaayon sa saindang pambansang interes.
