Mas pinakusog pa kan Land Transportation Franchising and Regulatory Board (LTFRB) an inspeksyon sa mga bus asin terminal ngonian na Semana Santa sa pag-antisipar kan piglalaoman na pagruso kan mga pasahero ngonian na semana.
Segun ki LTFRB Chairperson Vigor Mendoza II, bilang parte kan taunan na exodus asin piglalaoman na pagdakol kan mga behikulo asin motorista sa mga tinampo, nagdesisyon an ahensya na magsagibo nin security inspection sa mga bus ngani na masierto an kaligtasan kan mga commuters asin maibitaran an nagkapirang aksidente sa tinampo.
Kasunod kaini, kinumpirmar ni Mendoza na nagkapirang mga terminal asin operator an pig-isyuhan nin show-cause order huli sa mga nadukayan na bayolasyon, partikularmente an pag-abot sa road-worthiness kan mga bus, mantang an iba huli man sa physical asin mental readiness kan saindang mga driver.
Sinabi ni Mendoza na dapat wara nin excuse an mga nasabing bayolasyon asin pigsierto kaini na an mga mahihiling na nagbabayolar o mabalgar an papaliwanagon asin mamulta.
Mientrastanto, sa pakikipagtabangan sa mga transportation authorities, nangapudan an Philippine National Police – Highway Patrol Group (PNP-HPG) sa mga motorista na magkaigwa nin pasensya asin gibohon na prayoridad an road safety sa lambang biyahe ngonian na Semana Santa.
 has stepped up inspections of buses and terminals this Easter in anticipation of the expected rush of passengers this week.){kind=link}