Labi sa P69 milyon na kantidad nin marijuana an rinaot kan Philippine National Police (PNP) sa serye nin mga operasyon sa Benguet.
Sa laog nin sarong semana, nasa 24 na operasyon an ginibo puon kan Marso 16 hasta Marso 22 sa presenteng taon.
Nakumpiskar digdi an nasa 72,900 fully grown marijuana plants asin 420 seedlings, kaibanan pa an 454 kilo nin pinamamarang dahon, tangkay, asin fruiting tops.
Tulos ining ginamit kan mga otoridad ngani na dae magamit pa sa iligalidad.
Segun ki PNP Chief Gen. Jose Melencio Nartatez Jr., nagpapadagos an kampanya kontra droga asin nakatuon sinda ngunyan sa main source kan mga pinagbababawal na bulong asin darakulang personalidad sa likod kaini.
