Inaprubaran na ni Presidente Ferdinand Marcos Jr. ang three-term school calendar kan Department of Education (DepEd) na parte kan importanteng reporma sa edukasyon.
Magigin epektibo an bagong sistema ngunyan na school year 2026-2027 na obhetong masierto an padagos na pagpapakusog sa kalidad kan edukasyon sa nacion.
Mawot ni Presidente Marcos Jr. na maparikas an pag-apruba sa mga proyekto kan gobierno na masirbing prayoridad para sa de-kalidad na edukasyon.
Sa irarom kan bagong sistema, an presenteng four-term structure an gigibohong tulong termino na sana asin sinugo kan Presidente an DepEd na siertohong masuportaran an mga estudyanteng difisil makaukod, asin maiayon an mga presenteng sistema sa Senior High School.
Pigpapahanda na kan Presidente an mga opisyal kan DepEd para sa ganap na implementasyon kaini.
An enot na termino an kapapalooban nin 54 na instructional days asin 10 aldaw na assessment period.
An ikaduwang termino an bibilogon nin 55 aldaw na instructional days asin 10 aldaw na assessment period; mantang an ikatulong termino man an kapapalooban nin 60 aldaw.
