LEGAZPI CITY—Nanutaran ngunyan an paghalangkaw sa presyo kan mga barakalon sa Daraga Public Market sa banwaan kan Daraga, Albay.
Segun ki Daraga Public Market Administrator Themis Lobete, sa intrevista kan Bombo Radyo Legazpi, kabale sa mga ini an lana asin bagas na nag-aabot sa P8-P10 an inihalangkaw kan presyo.
Sa ibong kan paghalangkaw kan presyo kan produktong petrolyo an wara man sindang nanutaran na pagbawas sa mga nagtitinda asin dakol man liwat an mga parabakal sa naunmabitang merkado.
Mientrastanto, nagpagiromdom man si Lobete na magsunod sa mga ipigpaotob na presyo kan mga barakalon sa merkado nganing malikayan sa anumang penalidad na pwedeisr ipataw sainda.
