Nanindugan si Tingog party-list Rep. Jude Acidre na dai nahiling kan Independent Commission for Infrastructure (ICI) si dating House Speaker Martin Romualdez na responsable sa mga anomalya sa mga flood control projects.
Ini an bilang simbag sa mga akusasyon ni Navotas Rep. Toby Tiangco kontra ki Romualdez.
Sa sarong pahayag, sinabi ni Acidre na base sa referral kan ICI sa Ombudsman, wara man nin finding o conclusion of guilt laban sa dating lider kan Kamara.
Magigirumduman na pormal nang inilipat kan ICI an kaso sa Office of the Ombudsman para sa mas hararom na imbestigasyon, kabale an affidavit asin recordings ni Romualdez.
Nagpahayag man nin kumpiyansa an abogado ni Romualdez na magigin “independent, thorough, and objective” an Ombudsman.
Sa ibong kan may mga bareta na nagrekomendar nin kasong plunder an ICI asin DPWH, tinawan duon kan kampo ni Romualdez na wara nin direktang konklusyon nin guilt an ICI laban saiya.
An imbestigasyon an nag-ugat sa mga alegasyon nin “ghost” o dae pa tapos na flood control projects kan gobyerno.
 did not find former House Speaker Martin Romualdez responsible for anomalies in flood control projects.){kind=link}