LEGAZPI CITY-Nirespondehan kan mga otoridad an naibaretang pambabadil sa West Bloomfield Township, Michigan kun sain gadan mismo an suspek.
Ini makalihis makaresibe nin apod an mga otoridad na igwang active shooting sa Temple Israel, na sarong synagogue o relihiyosong eskwelahan.
Marikas man na na-ebkawar an mga estudyante sa lugar huli sa insidente.
Wara man nin nai-report na ibang nairido pagkatapos na makipagpalitan nin putok an mga gwardya digdi.
An Gobernador kan Michigan na si Gretchen Whitmer, dinoble an seguridad kun sain nagpakalat na nin mga tawohan sa nasabing lugar.
Padagos man an pigsasagibong imbestigasyon kan mga otoridad sa motibo kan pambabadil.
