LEGAZPI CITY-Nagpoon nang magsingit nin halangkaw na pamasahe an nagkapirang mga ferry operators sa nacion huli sa epekto kan krisis sa Middle East.
Mantang an nagkapirang ferries nagsasabi na sa Marso 10, sinda mag-iimplementar nin mga paglangkaw sa pamasahe na sagkod sa 25 posyentos.
Magin an mga bayad sa mga rolling cargoes kaiba an mga behikulo, madudugangan man nin taas-singil.
Segun ki Christopher Pastrana, an chairman kan Philippine Interisland Shipping Association (PISA), dae na kaya kan mga miyembrong kumpanya an padagos na paglangkaw kan presyo kan produktong petrolyo, kun kaya halangkaw an singil ninda nin 10 hasta 30 porsyentos na pamasahe.
