Nagtutubod si Presidente Ferdinand Marcos Jr., na dae tulos mamamatian an epekto kan oil price shocks huli ta may proseso antes ini lubos na makaapektar sa presyo kan mga barakalon.
Segun sa Punong Ehekutibo, posibleng maghalangkaw an presyo kan nagkapirang consumer goods huli sa piglalaoman na paglangkaw kan presyo kan produktong petrolyo asin mga pagka-octaba sa global supply chain, alagad madepende ini kun gurano kahaloy an krisis.
Sinabi pa kan Presidente na sa ngonian, limitado sana sa nagkapirang lugar na apektado an transportation disruptions.
Idinagdag pa kan Presidente na padagos man liwat an pagbyahe kan mga barko na nagdadara nin mga produkto pasiring sa Pilipinas.
Naglalaom an Presidente na matatapos tulos an krisis antes dagos na mamatian kan mga konsumidores an epekto kan paglangkaw kan presyo kan mga barakalon.
Pigsierto kan Presidente na maski sa worst-case scenario, kaya kan gobyerno na magtao nin suporta sa mga kritikal na sektor.
Pigduon kan Presidente na igwa nin supisyenteng suplay nin langis an nasyon, alagad importante an marikas na preparasyon nganing mamantenir an energy security, price stability, asin fiscal sustainability kan nacion.
