LEGAZPI CITY-Ipighayag kan sarong Peace Studies Professor na posibleng makaapektar an nagpapadagos na tensyon sa middle east sa pamumuhay asin ekonomiya kan Pilipinas.
Segun kay Bicol University Peace Studies Professor Dr. Herbert Rosana sa intrevista kan Bombo Radyo Legazpi na an ekonomiya kan sarong nacion, posibleng maraot kun an mga tawo dai na nagbabakal.
Paliwanag kan Propesor na kaya pig-eenganyar ngonian kan foreign policy kan Pilipinas an Estados Unidos asin Israel na bawasan an karahasan sa middle east, huli ta kadakol na mga Overseas Filipino Workers (OFWs) an naaapektaran orog na sa UAE asin Bahrain.
Kun magpapadagos suboot an gera, posibleng mawaran nin trabaho an mga OFWs asin dai makakapag-remit na makakaapektar sa ekonomiya asin sa paglangkaw kan inflation sa nacion.
Idagdag pa an pagsarado kan Strait of Hormuz na sinarado kan Iran kun sain dai makakaluwas o makakalaog an kadakol na oil tanker.
Huli digdi, posibleng maglangkaw an produktong petyrolyo sa nacion asin magkakaigwa nin backlogs sa delivery kan mga langis.
Sinabi pa ni Rosana na kadifisilan ini para sa Pilipinas huli ta warang buffer funds bako arog kan ibang nacion siring kan Singapore asin Australia pinaghahandaan an siring kaining sitwasyon sa ekonomiya.
Suhestyon niya sa gobierno na kinakaipuhan nin pagpa-palno sa mga siring kaining krisis orog na sa suporta sa mga OFWs enkaso mawaran nin mga trabaho asin kun pano i-infuse an pondo sa publiko ngani magin magian an inflation.
panawagan sa gobierno na dapat mayroon plano sa ganitong krisis halimaba apano suportahana nag ofw pag nawalanng trabaho at pano i-infuse ang fund sa public para mamitigate ang infaltion.
Dapat man suboot na pakihurunan an diplomacy na mag-deescalate sa nangyayaring tensyon ngani maibalik sa normal sitwasyon.
