LEGAZPI CITY-Tinawan doon kan sarong Influencer Lawyer na may mali sa approach bilang depensa ni Atty. Nicholas Kauffman sa nakalihis na confirmation of charges hearing ni dating Presidente Rodrigo Duterte sa ICC.
Segun kay Influencer Lawyer Atty. Carlo Ybanez, sa intrevista kan Bombo Radyo Legazpi na imbes na butasan an prosekusyon, pigsasagibo niya ining ‘politicaly motivated ‘ kun sain pigtitira niya an medya, aktibista, magin si President Marcos na suboot may pakana kan gabos na mga pangyayari.
Paliwanag pa ni Atty. Ybanez, na trabaho kan defense na trabaho kan depensa na butasan an mga ebidensya ngani dai ini mapaduman sa trial.
Posible man suboot na mauli sa ethical violation sa ICC o ma-cited in contempt sa Pilipinas kun magbanggit nin mga pangaran kan mga biktima asin witnesess sa trial.
Pinuna man kan abogado an pag-delay ni Kauffman sa trial siring kan pauru-utrong pagtukoy sa salud ni Duterte mantang haloy na ining naka-detain sa ICC.
Sinabi man niya na posibleng maidagos man liwat an trial kay Duterte maski pa bako siya ‘fit’ na mag-atendir.
Dagdag pa niya na posibleng ‘calculated move’ ni Kauffman na dai maidagos an proceedings huli ta wara siyang makukuwang benipisyo sa kaso.
