LEGAZPI CITY-Idineklara sa state of emergency an nagkapirang lugar sa Estados Unidos huli sa piglalaomang snow storm o matinding pag-uuran nin nyebe.
Kaiba sa mga nagpaotob kaini sinda New Jersey Governor Mikie Sherrill, New York Governor Kathy Hochul asin Philadelphia Mayor Cherelle Parker.
Pigkakarkulong maabot sa 35 milyong katawo an maapektaran kan matinding snow storm poon sa Philadelphia hasta sa Boston.
Kinansela man an klase sa New York siring man an maabot sa 6,000 flights sa lugar.
Nagpakalat na man si Washington, DC, Mayor Muriel Bowser nin mga Snow Team kun sain igwang mga 200 heavy asin light equipment na matabng sa paghale kan mga yelo sa kakalsadahan.
Basado sa pagtataya kan National Weather Service, maabot sa sarong talampakan na yelo an mabulos sa Philadelphia asin sa New York City.
