LEGAZPI CITY-Makakaresibe nin asistensya an mga residente hale sa 7-10 km extended danger zone kan Bulkang Mayon sa Barangay Quirangay sa Camalig, Albay.
Segun kay Punong Barangay Ermel Grageda, sa intrevista kan Bombo Radyo Legazpi na matatawanan nin relief goods an gabos na mga residente bako sana an mga nasa extended danger zone huli sa apektado man sinda kan ashfall.
Sa presente, naghahagad na sinda nin listahan kun sain target na matawanan an nasa 976 na mga pamilya.
Ipapanao an nasabing relief goods sa covered court sa Purok 3 Barangay Quirangay saaga.
Sa ngonian, nagtetenir man giraray sa mga evacuation centers an mga apektadong residente hale sa 6km extended danger zone.
