LEGAZPI CITY-Apektado an mga residente sa Viga, Catanduanes makalihis an naeksperyensyahang paguuran sa Bicol Region huli sa Shearline.
Segun kay Viga Municipal Disaster Risk Reduction and Management Office Head Neil Francis Tuibeo sa intrevista kan Bombo Radyo Legazpi na nasa 770 na mga parasisira an apektado asin dai muna makapalaot sa ngonian.
Problema man sa lugar an tubig dahil sa naranasang landslide asin pagbabaha dara kan paguuran huli sa shearline na naghaloy nin haros 12 oras.
Apektado man suboot an nasa 14 sa 31 na mga barangay sa saindang lugar.
Nagsagibo man sinda nin rescue operation asin forced evacuation huli sa igwang mga natrap sa pagbabaha.
Sa ngonian nakapag-decamp na an mga residente asin padagos sindang nagtatarabangan kairiba an iba pang mga ahensya.
Pagirumdum kan opisyal sa mga residente na pirmihan na mag-monitor sa weather forecast ngani aram ninda an kamugtakan kan panahon.
