LEGAZPI CITY-Makakaeskperyensya nin kalat-kalat na paguuran an bilog na Bicol Region huli sa epekto kan shearline sa nacion poon sa ngonian na aldaw sagkod saaga, Enero 9, 2026.
Segun kay State Weather Specialist Alexis Ruivivar, sa intrevista kan Bombo Radyo Legazpi na apektado kan shearline an bilog an bicol region kun sain dominante ini asin may posibilidad nin kalat-kalat na paguuran, cloudy skies, asin isolated thunderstorms sa mga masunod na aldaw.
Apektado kaini an dakulang parte kan bicol region kabale an Albay, Catanduanes, Camarines Sur, asin Camarines Norte, kun sain makakaeksperyensya nin moderate to heavy na paguuran sagkod saaga.
Alagad, laoman na poon Martes, Enero 10, magigin marhay an kondisyon kan satuyang panahon.
Mientrastanto, natunaw na an bagyong basyang asin sa ngonian wara na nin binabantayang Low Pressure Area (LPA) sa nacion.
