Ipinagpadagos kan Philippine Coast Guard (PCG) ngunyan na aldaw (Feb. 7) ang Search and Rescue (SAR) operations sa MV Trisha Kerstin 3, ang barkong naglubog sa katubigan kan Basilan, 12 aldaw na an nakakalihis.
Paramientras na sinuspinder kan coast guard ang diving operations kan Huwebes, kasabay kan huma kan bagyong Basyang sa timog-silangang baybayin kan nacion.
Kan Sabado, tulos na nag-deploy nin technical divers asin assets sa ground zero nganing ipagpadagos an paghahanap sa mga nawawarang lawas, kasabay kan dagos na pagrahay kan panahon sa nasabing lugar.
Segun ki PCG Spokesperson Capt. Noemie Cayabyab, saro sa mga pangenot na sisisidon kan mga diver an lokasyon kan naglubog na barko makalihis ining mahanap bago paramientras na sinuspinde ang operasyon.
Duwang lawas na an enot na nai-ahon gikan sa naglubog na barko asin target kan mga driver na halughugon an kabilogan kaini nganing aramon kun may iba pang posibleng naipit sa manlaen-laeng parte kaini, kasabay kan dagos kaining paglubog.
Sa presente, nagiging dakulang angat para sa forensic experts ang estado kan mga lawas na narerekober hale sa naglubog na barko, lalo na an mga nababad nin labi sa sarong semana sa kadagatan.
Segun ki Capt. Vandolf Valmoria, medico-legal officer kan Zamboanga Peninsula police forensics unit, bako man ligtas na suriin an kadaklan sa mga naiahong lawas huli sa manlaen-laeng hazards.
Dae mababa sa 10 katawo sa ngunyan an pigpipirti na hanapon kan mga diver sa kadagatan.
