Target kan House Committee on Justice na tukaron an impeachment complaint laban ki Presidente Ferdinand Marcos Jr., ngonian na maabot na Pebrero 2 sagkod Pebrero 4, 2026.
Segun ki House Committee on Justice Chairperson Rep. Gerville “Jinky Bitrics” Luistro na an mga impeachment complaints na ipinadara sa komite an kaipuhan na pagsararoon, susog sa polisiya asin proseso kan Kamara.
Sinabi ni Luistro na gigibuhon an consolidation sa enot na hearing kan komite asin prerogatibo ini kan Justice Committee, bako kan mga nagreklamo.
Sa oras na ma-consolidate na suboot, ikokonsidera na saro na sana an mga reklamo asin sarabay na tutukaron.
Ipighayag man ni Luistro na para sa preliminary hearing, tututukan kaini an pagdeterminar kan sufficiency in form asin substance kan mga reklamo.
Kun kinakaipuhan, mabugtak nin kadugangang hearing sa mga masunod na semana.
Dugang pa kaini na sa enot na hearing, piglalaoman na mag-file nin mga sponsorship speeches an mga nag-sponsor kan mga impeachment complaints antes magpoon an pormal na pagrepaso.
Pigtawan doon man ni Luistro na igwang 60 session days an komite, segun sa impeachment rules kan Kamara, nganing magsumiter nin report, kun kaya dae pwedeng hidalion an proseso.
