LEGAZPI CITY—Pighayag kan state weather bureau na padagos na makakaapektar an northeast monsoon o amihan sa dakulang parte kan nacion kabale na an rehiyon kan Bicol.
Segun ki Philippine Atmospheric, Geophysical, and Astronomical Services Administration Southern Luzon Weather Specialist Alexis Ruivivar, sa intrevista kan Bombo Radyo Legazpi, laoman na makakaeksperyensya nin bahagyang mapanganuron na kalangitan na may maluluyang pag-uuran alagad magigin fair weather an kamugtakan sa mga nasabing lugar antes ngunyan na semana.
Mantang pag-abot man kan aldaw nin Miyerkules o Huwebes kan kaparehong semana posibleng makaapektar an shearline na madara nin mga pag-uuran sa Bicol.
Dugang kan opisyal na padagos man na pigbabantayan an low pressure area na dating bagyong Ada asin piglalaoman na madi-dissipate ii asin dae na liwat mabibilog o magin bagyo.
Mientrastanto, basado man sa saindang Tropical Cyclone Threat Potential, pwedesir man na magkaigwa nin cloud clusters sa may sirangan kan Mindanao alagad may diit ining tsansa na magin sarong low pressure area o bagyo.
Abiso ni Ruivivar sa publiko na magpadagos sa pag-monitor sa kamugtakan kan panahon sa state weather bureau mapadapit sa mga posibilidad kan local thunderstorms.
