LEGAZPI CITY-Nagpaluwas nin Thunderstorm Advisory an state weather bureau mapadapit sa moderato sagkod sa occasionally heavy rainshowers na igwang kairibang pagdaguldol asin makukusog na paros ngonian na aldaw nin Domingo, Hulyo 19, 2026, pasado alas 11:25 nin pagka-aga.
Pinaglalaoman ini sa parte kan Southern Luzon, patikularmente na sa Romblon, Marinduque, Masbate, sa parte kan San Pascual asin Claveria na mamatean sa laog nin saro hasta duwang oras.
An nasabing mga kondisyon maeeksperyensyahan orog na sa Masbate partikularmente sa Aroroy, Mandaon asin Baleno na igwang epekto sa laog nin saro hasta duwang oras, na makakaapektar man sa mga karatig na lugar.
Sa ibong kaini, pig-aabisuhan kan ahensya an publiko na mag-ingat sa mga epekto kasunod kan peligro kaini, kaiba na an biglaang pagbabaha asin pagrasay nin daga.
Pig-eenganyar man ninda an gabos na padagos na mag-antabay sa mga update kan kamugtakan kan panahon sa satuyang nacion.
