Nangapudan si Palace Press Officer Undersecretary Claire Castro nin respeto asin dae paggibuhong karaw an health issue kan Presidente.
Ini an katakod kan pahayag ni Senador Imee Marcos na garing “uncared” suboot si Presidente Ferdinand Marcos Jr.
Segun kay Usec. Castro, dae dapat gibuhon na joke o palabas an pagtatao nin abiso manungod sa kamugtakan kan sarong tawong nakaeksperyensya nin helang.
Sinabi niya na an kaipuhan kan Presidente asin kan sisay man na may helang iyo an sinserong pagmakulog asin tunay na pagkalinga, bako an pagiging “comedian or clown” sa hampangan kan publiko.
Pigduon man ni Castro na dae dapat magpakaplastik o maggamit nin health issues ngani sanang makuwa an simpatiya kan mayoriya, asin pig-enganyar an lambang saro na magin responsable asin makatawo sa saindang mga pahayag.
