Itinakda kan Sandiganbayan ang paglilitis sa natatadang kasong graft ni Senator Jinggoy Estrada katakod kan suboot paglipat nin labi P200 million sa pork barrel funds, sa Marso 10 asin Abril 18.
Ini makalihis dae madagos an trial na nakatalaan kutang gibohon kan Huwebes, makalihis magmosyon an duwang akusado ni Estrada na i-waive ang cross-examination sainda kan abogado kan Senador.
Alinsunod sa ley, isasagibo an cross-examination nganing masubok an katotoohan kan mga salaysay kan mga testigo sa paagi kan direct examination o paghahapot.
Kinatigan man kan anti-graft court an mosyon kan mga akusado na i-reschedule ang paglilitis sa Marso asin Abril.
Magigiromdomang kan Oktubre 1, sinayumahan kan Sandiganbayan ang mosyon ni Estrada para ibasura an saiyang natatadang graft case huli sa kawaran nin merito.
Kan Enero 2024, naabswelto si Estrada sa kasong plunder alagad na-convict sa sarong bilang nin direct bribery asin duwang bilang nin indirect bribery. Alagad binaliktad kan korte an nasabing desisyon kan Agosto 2024 huli sa kawaran nin ebidensiya.
