Sinabi kan Department of the Interior and Local Government (DILG) kan Miyerkoles na nagpadara suboot nin “feelers” si dating kongresista Zaldy Co nganing makipagkoordinar sa mga otoridad asin naghagad nin sarong posibleng “dialogue” sa gobierno.
Segun ki DILG Secretary Jonvic Remulla, nakikipagkomunikasyon suboot si Co sa nagkapirang padi na saiyang bisto nganing ipaabot an kahagadan na makipag-olay.
Nilinaw kan kalihim na bako beripikado an impormasyon alagad preparado suboot an DILG en kaso magpahiling nin intensyon si Co na makipag-ugnayan.
Si Co an sentral na personalidad sa isyu nin mga flood control projects na ipigdadawit sa suboot maanomalyang infrastructure insertions.
Dating chairman kan House appropriations panel si Co, sarong makapangyarihang posisyon sa Mababang Kapulungan huli sa kapot kaini an pagbilog nin propwestong national budget.
Presenteng may warrant of arrest kontra ki Co katakod kan suboot anomalya sa flood control project sa Oriental Mindoro.
