LEGAZPI CITY-Nakaeksperyensya nin pagbagsak nin abo o ashfall hale sa Bulkang Mayon an Barangay Bonga sa Legazpi City mantang padagos man an pagdistribwir kan konseho nin mga facemask para sa mga residente.
Segun ki Brgy Kagawad Jaime Ayala Jr., sa intrevista kan Bombo Radyo Legazpi, na naeksperyensyahan ninda an ashfall kaya nagdistribwir na an saindang konseho nin mga facemask para sa mga residente.
Dugang pa niya na an nasabing abo an mahihibog, makulog sa dungo asin mata, siring man na nakakaapektar sa salud orog na sa mga may hika.
Ikinakigkig man suboot kan mga residente an ashfall sa saindang lugar asin nagin problema an paros na nagdara kaini sa lugar.
Pirmihan man nindang pigsasabihan asin padagos an distribusyon kan saindang konseho nin mga facemask.
Piglalaoman man kan opisyal na dai na magkusog pa an pagbuga nin abo kan Bulkang Mayon huli sa naaapektaran kaini an kabuhayan kan saindang konstituentes.
Nasa 100 porsiyento man suboot sindang handa para sa posibleng epekto kaini sa gabos nindang mga residente.
