LEGAZPI CITY-Piglalaoman kan National Housing Authority (NHA) Bicol na mapondohan an para sa mga Mayon evacuees.
Segun kay National Housing Authority Bicol Engr. Rolando Ramos sa intrevista kan Bombo Radyo Legazpi, na prayoridad ninda sa ngonian an mga nasa 6km permanent danger zone.
May mga proposal suboot sinda para sa mga nasa palibot kan Bulkan alagad dai pa ini napopondohan.
Kasunod ini kan haros 646 na housing units na isinagibo bilang ressettlement sa Malilipot Albay.
An mga housing unit an may sukol a 28.4 asin 6.5 meters o 4 by 10 sqaure meters na kompwesto nin duwang kwarto.
Karibay na suboot digdi an drainage system, water system, asin electrical distribution system.
Alagad, recoverable man ini para sa mga magigin benepisyaryo kun sain babayadan makalihis an limang taon.
Nakadepende man suboot an babayadan ninda sa terms na saindang napagkasunduan.
Dugang pa kan opisyal na enkaso magin benepisyaryo, pinagbabawal an pagpapabakal asin pagpaparenta kan unit.
Obheto ninda na mailipat an mga residente sa mga evacuation centers harani sa palibot kan Bulkang Mayon.
