Nagsakat na sa 4 na Pilipino ang naireport na nairido sa pag-atake sa King Khalid International Airport sa Riyadh, Saudi Arabia.
Tulo sa mga nairido an presenteng nasa ICU mantang an saro man an nakatalaang ma-discharge sa ospital, basado sa iniluwas na pahayag kan Department of Migrant Workers (DMW) kan Domingo, Oktubre 11.
Wara man na nairehistrong Pilipino na nagadan sa pag-atake.
Sa kabilogan, 12 katawo an nagadan asin 309 an irido sa pag-atake kan Houthi sa King Khalid International Airport sa Riyadh kan Sabado.
Segun man ki Labor Attaché Dominador Salanga kan Migrant Workers Office (MWO) sa Riyadh, kaiba an Workers Welfare Administration (OWWA), padagos na nakaalalay ang mga ini sa mga kinakaipuhang tabang kan mga irido mantang presente sindang nagpaparahay sa manlaen-laeng ospital.
Dugang pa ni Salanga, nakikipagkoordinar man an saindang opisna sa mga lokal na awtoridad asin mga ospital sa Riyadh nganing kumpirmaron kun may iba pang Pilipino ang iido hale sa pag-atake.
Inabisuhan man kan ahensya ang mga OFWs sa Saudi Arabia na maglikay sa mga lugaw na pwedesir magin target kan pag-atake, siring man an pagsunod sa mga anunsyo kan embahada, konsulado, asin Migrant Workers Office sa Saudi Arabia, pati ang mga social media kan saindang gobyerno para sa mga update.
Para man sa mga OFWs na nakatalaang mag-uli kan nacion, pigengganyar kan DMW na apudan an saindang airline bago magpasiring nin airport asin ugalion na mag-check kan saindang -mail na ginamit sa pag-book, magin sa email kan saindang mga employer.
Inabisuhan man kan ahensya na likayan magkua nin video o ladawan kan mga nasabing pag-atake asin mag-post kan mga ini sa social media huli sa labag ini sa ley kan Saudi Arabia.
