LEGZPI CITY-Pigiimplementar kan Department of Education Albay an alternative learning modality sa mga apektadong eskwelahan sa tahaw kan aktibidad kan Bulkang Mayon asin banta kan Bagyong Ada.
Segun kay Deped Albay Disaster Risk Reduction ang Management Officer Alvin Cruz, sa sa intrevista kan Bombo Radyo Legazpi na nagpalabas na an saindang opisina nin memorandum huli sa Bagyong Ada.
Ini ngani makapreparar asin maasigurar an mga pasilidad asin seguridad kan mga learners asin Deped personnel asin an komunidad.
Padagos man an pigsasagibong pagbabantay kan mga division officer sa mga eskwelahan na apektado kan aktibidad kan Bulkang Mayon.
Kabale digdi an nasa apat na evacuation center asin sarong displaced schools asin displaced learners mantang kanselado na ang mga face-to-face classes sa bilog na provincia kan Albay.
Basado sa saindang inisyal na datos, nasa 273 an displaced learners asin labi sa 3,000 ang mga apektadong estudyante.
Nakikipagkoordinar na man sinda sa local government unit para sa disaster preparedness asin response sa posibleng mga hazard.
Sa presente, pigiimplementar an school learning continuity plan sa mga eskwelahan kun sain nasa modular learning modality an mga learners asin padagos an sainang pagaadal.
Nagpaluwas man nin abiso sa mga eskwelahan ngani siertuhon na salbado an mga learning resources siring kan texbooks, computers, asin furnitures na pwedisir maraot orog na kun may pagbabaha.
Abiso kan opisyal na dagdagan an preparedness level asin siertuhon an koordinasyon sa mga barangay asin Local Disaster Risk Reduction ang Management Office para sa iba pang mga masunod na lakdang.
