LEGAZPI CITY-Pinawarang bisa kan Professional Regulatory Board of Civil Engineering (PRB-CE) an lisensya bilang civil engineer ni dating DPWH Bulacan District Engineer Henry Alcantara huli sa malalang unprofessional asin unethical conduct kasunod kan pagkakadawit sa suboot mga ghost flood control projects.
Basado sa desisyon, napatunayang administratively liable si Alcantara sa pag-apruba kan pagpapaluwas kan pondo para sa mga ghost project, basado sa Special Audit Report kan DPWH.
Segun sa board, an sinadyang pag-apruba sa pagpapaluwas kan pondo para sa ghost project an pagbayolar sa Code of Ethics asin sa pagtubod kan publiko.
Igwa man nin 15 aldaw si Alcantara ngani magsangat nin motion for reconsideration.
Enkaso man na negaran niya ini, pwedisir siyang mag-apela sa Commission Proper sa laog nin poon kan maresibe an nasabing resolusyon.
