LEGAZPI CITY-Iimbitaran si Senador Alan Peter Cayetano asin Lino Cayetano sa hearing kan Senate Blue Ribbon Committee manungod sa pigsasabing ghost flood control projects sa Taguig City.
Seguno ki Senate Blue Ribbon Committee chairperson Erwin Tulfo, naghagad nin imbestigasyon an matuang tugang kan senador na nagserbi bilang alkalde kan ciudad poon 2019 hasta 2022 na mag-imbestigar sa mga flood control projects sa lugar poon 2022 hasta 2025 na nagkakantidad nin P6 billion.
Sinabi ni Tulfo na dapat magpreparar si Sen. Alan huli ta an saiyang sadiring tugang an naghahagad kan imbestigasyon, na nagpapahiling na posibleng nagkaigwa nin koordinasyon sa proyekto an saiyang matuang tugang.
Alagad, pinahimutikan ni Sen. Alan na igwang mga ghost projects sa ciudad.
Ipapadagos an imbestigasyon kan komite sa mga suboot anomalya sa mga flood control projects makalihis an State of the Nation Address kan Presidente sa Lunes, Hulyo 27.
