LEGAZPI CITY-Pinag-aadalan na ni US President Donald Trump an military options sa Iran.
Kasunod ini sa nagin marahas na lakbang kan gobierno laban sa mga nagsasagibo nin hiro protesta.
Kan nakalihis na mga aldaw, nagsagibo nin briefing an US President mapadapit sa posibleng pakikiaram na kan Estados Unidos.
Segun sa White House na iprinisinta sa saiya kan mga security team an nagkapirang mga options na nakasentro sa pag-target ninda kan security services kan Iran.
Piglilikayan ngonian kan Estados Unidos an pakikiaaram sa Iran huli sa posibleng mag-backfire sa sainda asin mararaot an pinaglalaban kan mga protestante.
An nasabing mga options, paagi ngani matabangan ninda an mga nagsasagibo nin hiro protesta.
Enot na man na sinabi kan gobierno kan Iran na magreresulta sa negatibo an anumang pangingiaaram kan Estados Unidos.
