LEGAZPI CITY-Pinirmahan na ni President Ferdinand “Bongbong” Marcos Jr. an ₱6.793-Trillion General Appropriations Act (GAA) ngonian na aldaw nin Lunes, Enero 5, bilang ley para sa fiscal year 2026 makalihis an pirang semanang pagbusisi kaini.
Isinagibo ini sa Ceremonial Hall kan Malacañang Palace karibay an miembros kan gabinete, mga senador, asin mga miembro kan kamara.
Pigasigurar man ni Executive Secretary Ralph Recto na an 2026 budget kompwesto nin ligal asin teknikal na mga rekisitos asin pigtatawan nin prayoridad an pangangaipuhan kan mga Filipino.
Bago ini mapirmahan, nagsagibo nin ratipikasyon an gobierno na isinagibo kan kongreso kan Disyembre 29, 2025.
