LEGAZPI CITY-Piglinaw kan sarong espesyalista na dai man nakakaapektar an naeeksperyensyahang paguuran sa rehiyon sa posibleng pagtuga kan Bulkang Mayon.
Segun kay Supervising Science Research Specialist Dr. Paul Alanis, sa intrevista kan Bombo Radyo Legazpi na wara man nin epekto an paguran kun magkaigwa man nin eruption huli sa dati nang nagtuga ini mantang may mga nagaaging bagyo sa rehiyon.
Alagad, tinawan doon kan opisyal na maski pa warang eruption, may peligro man liwat sa pagkakaigwa nin lahar flow siring kan mga nakalihis na taon.
Pinakarason suboot kan paglangkaw kan alert level status kan Mayon, iyo an pagmantenir kaini sa 40-50 numero kan rockfall events sa kada aldaw.
Dagdag pa niya na an paglangkaw kan rockfall events, sarong obserbasyon sa pagkakaigwa nin magma sa irarom kan Bulkan na posibleng magkawsa nin ‘Uson’.
Wara man suboot nin epekto an nakalihis na paglinog sa Masbate sa aktibidad kan Bulkan.
Mientrastanto, pinagbabawal man liwat an paglaog sa 6km permanent danger zone asin posible man an mga ‘secondary hazard’ siring kan lahar flow.
Pinagbabantayan ngonian sa kada oras sa urualdaw an pagdakol kan mga rockfall events asin volcanic earthquake kan Bulkang Mayon.
