LEGAZPI CITY—Nagpatanid an Legazpi Task Force Kalinisan at Kaayusan na ibitaran an pagtapok nin basura sa material recovery facility kan Barangay Bitano, Legazpi City urog na kun bako man sinda eco aide.
Segun ki Task Force Kalinisan at Kaayusan Head Andy Marbella, sa intrevista kan Bombo Radyo Legazpi, na pwedesir sindang tiketan kan mga otoridad en kaso na madakop sinda na nagtatapok nin basura huli sa ipigbabawal ini sa irarom kan ordinansa kan ciudad.
Nakiulay man an opisyal na iluwas an mga basura asin naka-segregate tuyong makolektar na an mga eco aide kan mga basura.
Mientrastanto, pigsierto man ni Marbella an namamanwaan na bukas man an saindang opisina en kaso man na may mga reklamo sinda katakod sa pagtapok nin basura asin iba pang concerns.
