Nakahanay na suboot an supisyenteng safeguards para sa implementasyon kan mga Farm-to-Market Roads (FMR) projects, poon sa masunod na taon.
Kasunod ini kan pagbuyagyag kan korapsyon sa naunambitang proyekto, na mismong Department of Agriculture (DA) an nadiskubre na an iba iyo an substandard asin ghost projects.
Segun ki Senate Committee on Agriculture Chairman Kiko Pangilinan, supisyenteng guidelines an itinao kan halangkaw na kapulungan para sa pagkonstruhir nin mga proyekto, nganing maibitaran an mga nakaaging insidente nin kurapsyon.
Kabale digdi an pagsugo sa DA na pangenotan an pagpapagibo, imbes na ipaubaya sa Department of Public Works and Highways (DPWH), arog kan dating nangyayari.
Sa irarom kan bagong regulasyon, kaipuhan man na mag-obserbar an DA sa open construction asin operasyon kan siring na mga proyekto, nganing tulos na ma-inspection.
Kabali digdi an bukas na pagpondo, lokasyon, project development, asin iba pang mga bagay.
Sagkod ngonyan, an DA nagtetenir sa proseso nin pagrepaso kan mga dati nang ipinaotob na FMRs makalihis na madiskubre an bako tamang implementasyon kan siring na mga proyekto.
Sa irarom kan 2026 budget, an mga mambabatas nag-alokar nin maabot sa P33 billion na pondo para sa saindang konstruksyon.
 projects, starting next year.){kind=link}