LEGAZPI CITY – Puga puga na man an pigsasagibong monitoring kan Department of Trade and Industry (DTI) Masbate sa pagtitienda asin pagpapabakl kan paputok urog nang pirang aldaw na sana antes magsapit an bagong taon.
Segun ki DTI Masbate Consumers protection Division head Venus Bayaga sa intrevista kan Bombo Radyo Legazpi na may duwang establisyemento an nakumpiskahan ninda nin mga luces na warang papeles.
Nakatalaang i-turn over an mga kumpiskadong paputok sa Philippine National Police (PNP) board destruction makalihis an masunod na mga pag-inspeksyon.
Paglilinaw niya man na bako man ninda mawot na malugi an mga paratienda nin paputok kundi an mawot sana nindang mailikay an publiko sa mga aksidente na kawsa kan paputok na kulang sa mga papeles.
Pagirumdom pa kan opisyal sa publiko na magbakal sana nin mga paputok na may product standard, magbakal sa mga otorisadong tiendahan, asin may standard marking para man sa saindang kaligtasan.
Alagad pagdoon ni Bayaga na mas marhay kun maggamit na sana nin alternatibong paribok nganing makalikay sa anumang klase nin aksidente ngonian sa pagsabat sa pagsalida kan taon.
 Masbate is also monitoring the sale of fireworks especially a few days before the new year.){kind=link}