Tinawan doon ni Bise Presidente Sara Duterte an importansya kan paghiras nin biyaya asin pagkamoot sa kapwa, orog na sa mga sektor kan sosyudad na nakakaeksperyensya nin grabeng kadifisilan.
Segun sa Bise Presidente, sa saiyang mensahe ngonian na Kapaskuhan, kada pag-abot kan panahon na ini, pinapagiromdom kita kan mga biyaya na dara kan pagkamundag ni Jesus.
Alagad sa ibong kan mga angat sa buhay, mas nagigin makahulugan an selebrasyon kun nagreresulta ini sa pagtabang sa mga nangangaipo, mga may helang, ulila, mga daing istaran, mga biktima nin kalamidad asin kadahasan, asin mga sektor na permihang nakakaeksperyensya nin kapabayaan.
Nangapudan man ini sa publiko na ipangadyi an katoninongan asin katatagan kan Pilipinas, mantang minamawot kaini an maogma asin matoninong na Pasko sa gabos na Pilipino.
