Nagsakat sa 3,000 OFW an presenteng nahahampang sa mga kaso sa ibang nacion, susog sa Department of Migrant Workers (DMW), kabale an 24 kababayan na nasa death row.
Segun ki DMW Secretary Hans Leo Cacdac na padagos na pigtatabangan kan gobyerno an mga OFW sa paagi nin legal interventions, katabang an Department of Foreign Affairs (DFA).
An Saudi Arabia suboot an may pinakahalangkaw na numero kan mga OFW na may legal case gikan sa labor disputes sagkod sa criminal charges.
Segun man ki DMW Assistant Secretary for Welfare Maria Regina Galias, kadaklan sa mga death row case an drug-related, partikularmente sa Malaysia, kun saen tulos na ipigpataw an padusang kagadanan para sa droga.
Afuera sa Malaysia, igwa man na mga death row case sa iba pang parte kan Asia-Pacific, Middle East asin Africa.
