LEGAZPI CITY-Makakaeksperyensya an Bicol Region nin mapanganuron an kalangitan, kalat-kalat na paguuran, pagkikilat asin pagdaguldol siring man an maluluyang pag-paros sa mga masunod na aldaw huli sa epekto kan Easterlies sa nacion.
Segun kay Weather Specialist Melvin Almojela sa intrevista kan Bombo Radyo Legazpi na mamamatean man an maluluyang paros sagkod moderato na hale sa sirangan o norteng sirangan.
Sa mga baybayon sa Bicol Region, magigin moderato an mga paghukol.
Sa ngonian wara man nin laomang Low Pressure Area (LPA) sa masunod an limang aldaw.
Mamamatean an temperatura poon 25 sagkod 31 degree celsius sa rehiyon.
