Tinuyaw ni Atty. Harry Roque ang International Criminal Court (ICC) huli sa suboot dae na nasusunod an tunay na basehan kan hurisdiksyon kaini, bilang sarong hukuman.
Tinawan-doon kan ICC-accredited lawyer na nagpupumirit an international tribunal na maglitis nin sarong nacion sa ibong kan kawaran nin hurisdiksiyon.
Tinuyaw man kaini an suboot panghihimasok kan nasabing korte sa mga nacion na bako miyembro kan Rome Statute kung saen warang awtoridad an international court na magsagibo nin paglilitis.
Tinukoy kan abogado an kaso ni dating Presidente Rodrigo Duterte na sa ibong kan haloy nang pagkalas kan Pilipinas sa hurisdiksiyon kan ICC an nagluwas man giraray ini nin warrant of arrest.
Ipigdoon kan dating Duterte appointee na an presenteng sitwasyon kan ICC kun sae nahahampang sa manlaen-laeng sanctions an nagkapirang judges asin prosecutors kaini, an dapat ibasol sa mismong korte.
Katwiran kan abogado, nilingawan suboot kaini na an hurisdiksiyon kan hukuman an nakasalakay sa pagtugot asin pagbisto kan mga nacion sa mismong otoridad kan nasabing korte.
