LEGAZPI CITY-Nagtaong kaogmahan para sa mga Filipino Community an pagkasungkit kan Gold Medal ni Pinay Tennis Star Alex Eala sa Southeast Asian Games 2025 na isinagibo sa Bangkok Thailand.
Segun kay Bombo International Correspondent in Thailand Toto Cadapan, sa intrevista kan Bombo Radyo Legazpi na warang kapantay an saindang kaogmahan huli sa ginamit niya an saiyang kumpiyansa asin motivation ngani makuwa an gold medal.
Sinabi man ni Cadapan na mantang yaon an pressure sa saiyang kalaban, mahihiling an dakulang suporta kan mga Pilipino para sa saiya.
Nahilingan man ninda nin paglaom na masusungkit kaini an bulawan sa enot na seed pa sana huli ta ipinahiling kaini an pagigin ‘super unity’ sa kawat na Tennis.
Sa presente, pig-aabangan man an finals kan women’s asin men’s basketball team kan Pilipinas.
Piglalaoman man na magkakaigwa ini nin dakulang epekto asin pigmamawot an malusutan asin makuwa an bulawang medalya.
Pig-eenganyar man an mga kababayan na magsubaybay asin maghiling kan mga laban kan mga delegado kan Pilipinas sa nagpapadagos na SEA Games 2025.
