Nagluluwas na an ideolohiya kan Islamic State an motibo sa madahas na pambabadil sa Bondi Beach sa Australia, segun kay Australian Prime Minister Anthony Albanese.
Susog sa report, an mga suspechado, na pinangaranan kan lokal na media bilang sinda Sajid Akram, 50, asin an saiyang aking lalaki na si Naveed, 24, an nanumpa nin katapatan sa Islamic State group.
Tinarget kan mag-amang suspek an Jewish community na nag-aatendir sa enot na aldaw kan Hanukkah, na taunang Jewish festival, na guminadan nin 15 katawo asin ikinairido kan 40 iba pang indibidwal.
Enot nang pigkumpirmar kan lokal na pulisya na nagadan sa sa mismong crime scene an amang suspek mantang stable condition an saiyang aki.
Mientrastanto, nakatalaan na bisitahon ni PM Albanese an heroe na nagpugol asin nag-agaw kan badil sa suspechadong na binistong si Ahmed al Ahmed, na yaon sa ospital makalihis na magsapo nin nagkapirang tama nin badil asin magsairarom sa operasyon para sa saiyang mga lugad.
Inapod man kan Primer Ministro si Ahmed na sarong bayani na suboot dapat na midbidon.
