Kinumpirmar kan National Bureau of Investigation na magtitinir sa saindang pangangalaga si Sarah Discaya mantang pighahalat na iluwas kan korte an arrest warrant laban saiya.
Segun man sa abogado ni Discaya na si Atty. Cornelio Samaniego III, an pangenot na obheto kan saindang pagdesisyon na magtinir si Discaya sa NBI an nganing maibitaran an anumang potensyal na abala sa lado kan mga arresting team na itatalaga nganing isagibo an pag-arestar, oras na pormal nang mailuwas an arrest warrant.
Dugang pa ni Atty. Samaniego, ang lakdang na ini an nagsirbi man na pagpapahiling kan kahandaan ni Sarah Discaya na hampangon an gabos nin mga kaso na isinunad laban saiya.
Ipigpahiling kaini an saiyang determinasyon na magsunod sa proseso kan ley asin linawon an saiyang lado sa mga kinauukulan.
Tinawan-linaw man ni Atty. Samaniego na bago pa man an nagin pahayag ni Presidente Ferdinand R. Marcos Jr. mapadapit sa kaso, an haloy na nindang pigkonsidera an boluntaryong pagpapakustodiya ni Sarah Discaya sa NBI.
Ini an nganing masierto na dae na suboot maha-harass pa an saindang kliyente asin nganing magin maayos asin matoninong an paghampang kaini sa mga legal na proseso.
