LEGAZPI CITY-Inomaw kan Armed Forces of the Philippines (AFP) an pormal na deklarasyon kan Association of General and Flag Officers (AGFO) na tahasang nagdenunsiar kan mga pangapudan para sa destabilisasyon asin nagpapahayag kan bilog na tiwala asin suporta sa presenteng liderato militar.
Sa sarong pahayag, sinabi kan AFP na hararom an pag-apresyar kaini sa “Manifesto of Unwavering Support and Solidarity” kan AGFO.
Susog sa pahayag, an tiwala na ipinapahiling kan mga opisyales an dakulang parte kan saindang buhay sa serbisyo, nagpapakusog kan saindang paninindugan kan mga aktibo asin retiradong mga opisyales sa pagmamantenir kan respeto sa Konstitusyon, liderato sibilyan, asin propesyonalismo kan institusyon militar.
Inapod man kan ahensya an mensahe kan asosasyon na sarong mapuwersang pagirumdom na an pagkasararo kan mga dati asin presenteng miyembro kan militar, na saro sa pinakamatibay na harigi kan saindang organisasyon.
Tinawan doon man kan AFP na an pagiging non-partisan asin pagsuway sa anumang destabilization efforts an nagpapatatag sa mga prinsipyo na nagtataong giya sa kada militar.
Pigbibilog an AGFO kan mga retirado asin aktibong heneral asin flag officer hale sa AFP, Philippine National Police, Philippine Coast Guard, Bureau of Jail Management and Penology, asin Bureau of Fire Protection.
Segun sa grupo, nagpaluwas sinda nin manifesto kasunod kan suboot “political noise asin mga pangapudan hale sa nagkapirang sektor” na pigeenganyar an AFP na bawion an suporta kay President Ferdinand Marcos Jr na siyang commander-in-chief.
Kinokondena man kan AFP an anumang panawagan para sa sainda na makibale sa mga “unconstitutional acts o military adventurism.”
