LEGAZPI CITY-Aminado an Department of Foreign Affairs (DFA) na wara pa sindang impormasyon manungod sa kinamumugtakan ni Zaldy Co, an dating kongresita na kabale sa mga kinasuhan huli sa kurapsyon sa mga flood control projects asin imprastraktura sa nasyon.
Segun kay DFA Spokesperson Asec. Angelica Escalona, na liwat igwang nang naenot na mga nagluwas na manungod sa nacion na posibleng kinamumugtakan kan nasabing pugante, sinabi kaini na wara pa sindang nakukupirma kun sain talaga an tunay na lokasyon ni Co.
Dati nang nagpaluwas nin blue notice an International Criminal Police Organization (Interpol) laban ki Co, ngani masubaybayan kan gobyerno kan Pilipinas an kada hiro kan dating kongresista.
Mientrastanto, sa sarong intrevista, hinapot man si Escalona dapit sa suboot mga pakikipag-ulay kan iba pang mga indibidwal ki Co, na nag-aatubang nin kasong may relasyon sa flood control scandal, sa manlaen-laen na embahada kan Pilipinas sa ibang nasyon.
Segun sa opisyal, wara pang kumpirmadong impormasyon an saindang ahensya manungod digdi.
Importante man suboot sa ngonian na mangnohon apwera ki Co, an 3 pa sa mga kaibang akusado asin nasusubaybayan na sa ibang nacion.
