Nagsayuma an Department of Foreign Affairs (DFA) na magtao nin detalye sa status ni dating Ako Bicol party-list Rep. Zaldy Co, na naireport na nasa France mantang pigkakahampang an mga kasong katakod kan suboot anomalya sa flood control projects.
Sa deliberasyon sa propuestong budget kan DFA, hinapot ni Akbayan party-list Rep. Perci Cendaña kun ano an kalagayan ni Co sa France asin kun igwang timeline para sa saiyang pagbabalik sa Pilipinas ngani na hampangon an mga kaso.
Segun ki Misamis Occidental Rep. Sancho Fernando Oaminal, na sponsor kan DFA budget, dae pwedesir na iheras kan ahensya an detalye huli ta mahigot suboot na confidential sa irarom kan French law an asylum applications.
Pigduon ni Cendaña na importante an papel kan DFA sa pagtabang na mapauli sa Pilipinas an mga tawong nasa ibang nacion ngani na mapanimbag sa mga pihkakahampang nindang kaso.
