LEGAZPI CITY-Maalokar an Barangay Maslog Legazpi City nin nasa 20% na development fund para sa rehabilitasyon kan mga drainage sa 2026 budget.
Segun ki Punong Barangay Niño Albert Cardel Berjuega sa intrevista kan Bombo Radyo Legazpi na nagsasagibo sinda nin declogging sa ngonian katuwang an saindang konseho.
Padagos man an pigsasagibong declogging sa mga kanal sa lugar huli suboot sa kadaklan digdi an kinakipuhan nang linigon kawsa kan natambunan na mga daga asin baybay.
Pigbubusol man suboot sa ngonian an kompletong budget para sa rehabilitasyon kan mga ini.
Dagdag pa kan opisyal na dakulang bagay an paglilinig kan mga kanal sa saindang lugar huli sa “catch basin” an saindang barangay.
Nagpapasalamat man an punong barangay sa kooperasyon kan mga residente sa saindang sadiring inisyatiba ngani makatuwang sa pagbabago sa presenteng panahon.
