LEGAZPI CITY – Nagpapasalamat an mga opisyales kan Barangay Maoyod kan ciudad kan Legazpi sa nagpagamit nin daga nganing pagtugdukan kan saindang proyekto na pet cemetery.
Segun ki Kagawad Fara Matty Jill Ecal sa intrevista kan Bombo Radyo Legazpi na afuera sa pamilya Madrid na nagpagamit kan lote an igwa pa sinda nin katabang na mga organisasyon nganing maisakatupadan an saindang proyekto.
Sa presente suboot an igwa na nin duwa na hayop an nakalubong sa nasambitang sementeryo asin gabos an mga ini an nakarehistro sa saindang barangay.
Plano man ninda na i-develop pa an pet cemetery sa mga masunod na mga aldaw nganing magayon paghilingon.
Piglinaw pa kan opisyal na wara nin babayadan an residente nindang mapalubong kan saindang nagadan na ataman kundi kaipuhan sanang ireport sa saindang barangay nganing maaraman an identidad kan hayop.
Ipigdoon pa ni Ecal na importante an pagtutugdok nin pet cemetery nganing mailubong nin maray an saindang nagadan na atamang hayop asin nganing malikayan na tapukon na sana an mga ini sa salog o sa ibang lugar na pwedesir magin huma sa salud kan publiko.
