Liwat na inungkat ni dating Presidential Spokesperson Harry Roque an kontrobersyal na ‘polvoronic video’ kasunod kan mga naenot na pahayag ni Presidential sister, Sen. Imee Marcos mapadapit sa suboot paggamit ni Presidente Ferdinand Marcos Jr. nin iligal na droga.
Segun ki Roque, si Sen. Imee mismo ang nagpatunay sa laog kan nasabing video kasunod kan saiyang mga pahayag.
Malinaw suboot na kun sisay man an nagkalat sa nasabing video an may personal na kaaraman sa nangyari asin saro ining ‘tunay’ na video footage.
Binalikan man ni Roque an suboot panggigipit ngonian saiya kan administrasyong Marcos huli sa nasabing video kun saen saro siya sa mga pigtukdong nagpakalat, kaiba an vlogger na si Maharlika.
Sa ibong na banda, enot nang pinatunayan kan manlaen-laeng ahensya asin independent body na peke an polvoron video na enot na nagkalat kan July 2024.
Sa nasabing video mahihiling an sarong lalaki na kahawig suboot ni Presidente Marcos na nagsisinghot suboot nin puting kemikal.
Kaiba sa mga nagsagibo nin forensic asin AI analysis sa nasabing video an National Bureau of Investigation (NBI), Philippine National Police (PNP), Department of Information and Communications Technology (DICT), magin an Department of Justice.
Magin an India-based firm na Misinformation Combat Alliance (MCA) an binisto man an video bilang peke.
